(( ميكانو جروث فاكتور MGF )) زي ما بنسميه ( ام جي اف )
في البدايه لازم نعرف يعني اي ببتيد PEPTIDES او ما هو الببتيد
باختصار شديد جزيئ البروتين ده عباره جزيئ ضخم ، هنشبهه بمبني ضخم ، هذا المبني لم يتم بنائه كما هو كتله واحده مره واحده وانما تم بنائه عن طريق قوالب الطوب ، كذلك جزئ البروتين بيتكون من احماض امينيه ، الاحماض الامينيه هي وحده بناء جزئ البروتين ، ارتباط مجموعه احماض امينيه مع بعضها يشكل الببتيد peptide الذي نتحدث عنه
ببتيد MGF هي اختصار Mechano growth factor او عامل هرمون النمو
من اقوي محفزات اعاده بناء العضلات بعد التمرين
باختصار انت لم بتتمرن فانت بتعمل تمزقات دقيقه جدا في العضله الجسم بيفرز مواد اسمها عوامل النمو بالأنجليزي (جروث فاكتورز) مسؤله عن اعاده بناء الالياف العضليه تاني بمساعده الجروث هرمون وال IGF1
ببتيد MGF من اسمه بيزود من العمليه دي بالتالي زياده في استشفاء وتضخيم الياف العضلات اللي تم تمرينها بشكل كبير لدرجه بعض الأبحاث بينت ان حقن MGF موضعيا زاد من حجم الألياف العضليه فيها بنسبه ٢٥% في مده ٤ اسابيع فقط
بسبب قوته البنائيه دي فهو من افضل الحجات اللي تستخدمها في كورسات الضخامه او العضل الصافي او حتي بعد الكورسات مع التنضيف عشان تحافظ علي المكتسب العضلي لانه لا يؤثر علي هرمون الذكوره الطبيعي بالتالي لا يتعارض مع التنضيف
عيبه الوحيد انه بيشتغل كويس جدا اذا تم الحقن بعد التمرين مباشره بدون فاصل زمني بالبلدي والعضله لسه بتوجعك من اثار التمرين وكل ما تستني في الوقت بين التمرين والحقن كل ما بقي التأثير اقل
استخدامه بيكون ٤ اسابيع متواصلين وتريح اسبوعين وترجع تكرره
الحقن بسرنجه الانسولين في العضله اللي تم تمرينها
لأفضل نتايج تشغله ٤ اسابيع وتوقفه وتشغل بداله IGF1-LR3 اربع اسابيع وهكذا تبدل بينهم كل ٤ اسابيع
تنويه هام جدا ⛔️
استخدام الهرمونات والمنشطات الرياضيه قد يترتب عليه مشاكل صحيه وهذه المعلومات للأطلاع فقط وغير مسؤلين بأي شكل عن اسائه استخدام هذه المواد
متنساش تعمل انضمام الي قناه التليجرام بتاعتنا عشان تشوف كل العروض والخصومات، للانضمام الي الجروب اضغط هنا
رأي الأبحاث العلميه والعمليه وال FDA في الاكسبيرات او تاريخ الصلاحيه بقلم الدكتور احمد الصاوي ——————————-
الادوية منتهيةالصلاحية
– فيه لفظ مكتوب دوماً على علب الأدوية بيسموه : expiration date أو تاريخ الإنتهاء… دا تاريخ حددته ال FDA والشركات المصنعه بتضمن فيه( خد بالك) فاعلية الدواء.. وبيبقى سنتين أو تلاته…
— ودا مش معناه ان الدواء بيفسد أو فاعليته بتروح مباشرةً بعد تاريخ الإنتهاء… لو كان الموضوع كدا..
كانت الشركة قدمت دليل أو دراسة ان الفاعلية بتروح بعد المدة دي تحديداً..
– الغريب إنك لو بصيت على اللنك دا في موقع ال FDA….
— هاتلاقيهم عملوا برامج لتمديد تاريخ الصلاحية، لان الحكومة بيبقى عندها ستوكات كبيرة من ادوية كتير زي الامصال وغيره، محطوطة لأوقات الطوارئ والكوارث والهجمات الإرهابية … عملوا مثلاً:
Shelf Life Extension Program(SLEP) عملوا البرنامج دا في سنة ١٩٨٦… برنامج فيدرالي ، بغرض تقليل التكلفة الرهيبة لاستبدال الأدوية بعد انتهاء تاريخ الصلاحية
👈وبرنامج تاني كمان عملوه بالغرض اسمه : Pandemic and All-Hazards Preparedness Reauthorization Act of 2013 (PAGPRA)
ودي بتدي السلطة الصريحة لل FDA لامداد تاريخ الانتهاء
– في ٢٠٠٦ عملوا دراسة ل١٢٢ دوا ، اختبروهم ببرنامج SLEP ال اتكلمنا عنه.. وبينت إن تلتين من الادوية منتهية الصلاحية كان ثابت وكويس في كل مرة اختبروها فيها…. ومدوا تواريخ الصلاحيه لاكتر من ٤ سنين زيادة…. ودا لينك البحث
— لقوا ان ١٢ مركب من ال ١٤ .. ما زالت فعالة جداً كأنها لسه متصنعه جديد وبعضها كان ١٠٠٪ من التركيز المكتوب على العبوات 😁
– باحث اسمه جيرونا اختبر أدوية قديمة من عقود يعني ادوية من ٢٠ ل ٣٠ أو ٤٠ سنة… العبوات كان فيها ١٤ مركب مختلفين، مسكنات ، مضادات حساسية، محفزات… الادوية كلهاكانت مخفوظه في عبواتها الأصلية..
– الناس في مراكز السموم زي National capital poison center ودي منظمه غير ربحية مع المركز الطبي جامعة واشنطن… رئيس المنظمه دي بيقول مفيش اي حد سمعوا عنه حصل أذى أو ضرر من أي ادوية منتهية الصلاحية… ومسجلوش أي حالات بكدا
– صيدلي اسمه مارك يونج بيقول الحكومة الفدرالية وفرت من ٦٠٠-٨٠٠ مليوم دولار بسبب برامج تمديد تاريخ صالحية الادوية زي SLEP
. عملوها على ٤٠ قلم ابينفرين( حقن للطوارئ وبعض الحالات) منها اقلام منتهية من شهر واقلام مننتهية من ٥٠ شهر…
👈الاقلام اخدوها من المستهلكين يعني الله اعلم خزنوها ازاي، في ظروف ملائمة أو غير ملائمة…
👈لقوا ٢٤ قلم بيحتوي ع ٩٠٪ من تركيز الابينفرين المصرح بيها… ودا تركيز كافي القوة
والباقي فيها ما لايقل عن ٨٠٪ من تركيز المادة الفعالة او التركيز المكتوب على القلم
—— 🔼الموضوع طبعاً طويل محتاج كلام أكتر…أنا بكلامي دا عايز اخفف من وقع كلمة اكسباير أو منتهي الصلاحية ع ودانك… وانك مش هاتموت ولا هايجرالك حاجة لو اخدت ادوية منتهية الصلاحية —- 👈فيه ادوية زي الانسولين بالذات لا يفضل استخدامه بعد تاريخ الانتهاء مش انه بايظ أو مضر بعد تازيخ الصلاحية، لكن دا لان المريض محتاجه بتركيزه الكامل عشان مترتب عليه حاجات مهمة
👈يعني الاقلام دي لو محفوظه في ظروف ملائمة كان من السهل تفضل زي ما هي بعد تاريخ الانتهاء
🔼في بعض الحالات، زي نقص الأدوية أو ال shortage شركات الادوية بتمد تاريخ الانتهاء، ودا حصل في شركة فايزر لما عملت كدا مع الاتروبين حقن، ديكستروز، الابينفرين، والصوديم بيكربونات… زودت تاريخ الانتهاء من ٦ شهور لسنة… وال FDA نزل بوست بكدا :
https://goo.gl/k9y9Z7
👈ادوية الشرب المضادات الحيوية بلاش نستخدمها بعد تاريخ الانتهاء..
👈فيه بعض الادوية بيبقى عليها اضافات زي مواد عضوية دي ال بتبوّظ الدوا مش المادة الفعالة
👈بعض الادوية فاعليتها بتقل بعد تاريخ الانتهاء لكن مش بتبقى سامه زي ما شفنا
👈انا استخمدت كتافاست منتهي من ٦ شهور واكتر وكان مسكن قوي جداً زي ما هو
👈حالياً بستخدم نوع دوا منتهي من سنة ونص، واعراضه واثاره بحس بيها زي ما الكتاب بيقول، ودا معناه انه فعال جدا
👈استخدمت الافدرين منتهي الصلاحية من ٥ شهور وكان فعال جداً
👈على طول بستخدم ادوية المعدة منتهية وكتير غيري وشغالة جداً
👈انا بقولك الاقراص والحقن، مفهاش اي مشكلة بعد تاريخ الانتهاء ابداً.. طالما محفوظة ومتخزنة كويس… لان عدم الحفظ بيبوظ حتى السليم انت عارف
👈 شركات الادوية عايز العجلة تدور بسرعة عشان المكسب
الفنكوش وكمال الأجسام ((عندما بجتمع الجاهل والغشاش تكون صفقه رابحه)) من ساعه ما تعمقت في مجال كمال الأجسام بعموم والمكملات الغذائيه بالخصوص وجدت ان فيه ناس بتعمل مكسب مادي جبار اعتمادا علي قله خبره اللعيبه شركه ولا تستحق ان يقال عنها شركه اسمها كريزي بالك crazy bulk
مسميه منتجاتها بأسماء منشطات هرمونيه هقولك علي مصيبه اخر البوست……. المهم يعني هتلاقي عندهم علبه اسمها دينابول علبه اسمها ديكا علبه اسمها تستومكس مع تكرار طلب الناس مني تست مكس حبوب او ديكا حبوب علي سبيل المثال ومواجهتي متاعب يوميه بالشرح للناس ان المواد دي ليست حبوب ولا توجد بالوجود اصلا حبوب لقيت انهم مسمين العبوات بتاعتهم بأسماء هرمونات وبيروجولها انها ملهاش اي اضرار مستغلين جهل اللاعب بالتالي يعتقد اللاعب دي هرمون ديكا حبوب وليس له اضرار ودا طبعا كلام غير صحيح علي الاطلاق بعد بحث لقيت ان المنتجات عباره عن فيتامينات ومعادن عاديه جدا زي فيتامين سي وفيتامين D قله خبره اللاعب خلاه يعتقد ان دي هرمون وان دي هتديه نفس نتيجه الهرمون من غير ضرر ! معنديش مشاكل خد فيتامينات بس محدش يضحك عليا ويبعلي حاجه انها هرمون ملوش ضرر ويدفع فيها مبلغ وهي مش هرمون ولا هتديك ربع نتيجه الهرمون شويه فينامينات يبيعها بأضعاف تمنها !
اقولك عالكبيره كمان ، المصيبه بقي انهم هنا في مصر لما شافوا الناس بتطلبها قاموا عملوها مضروبه ! من عبوات وطباعه ال label ونزلت السوق المصري مضروبه طبعا واحد معندوش خبره مش هيعرف انها مضروبه اللي هو الاصلي منها فنكوش اصلا ! ويعملوا ثروه ماديه علي قله خبره اللعيبه بس عيب في حقي انا لما اقل واجب متابعين صحفتي ميعرفوش المعلومات دي ❤ منشن لصاحبك💪
